Elciego

Badakizu Arabako Errioxan ardoa dela ardatza, baina batez ere askoz gehiago dagoela. Eta Eltziegon "askoz gehiago" hori ondarea, paisaia, ibilaldiak naturan zehar, gastronomia, jazz musika (bai, bai, jazza) eta herria zure erritmoan gozatzeko behar beste lasaitasunean gauzatzen da . Hori bai, beti ere ospakizunetan murgilduta ez bagaude.

Eltziegoko argazkietako bat San Andres eliza (XVI. mendekoa) ikaragarria da, bere dorre desberdinekin eta ustekabeko bere barnealdearekin. Tenplu honek kontraste handia egiten du Frank O. Gehry arkitekto ezagunak sortutako Marques de Riscal hotelaren arkitektura abangoardistarekin. Behin alde zaharrean, kale nahasietan gal zaitezke baina txoko bereziak aurkituko dituzu eta Plaza Nagusi abegikorrera iritsi, non Udaletxea, Plazako Ama Birjinaren Ermita eta armarri eta teilatu-hegal landuekin armarridun etxe ugari dauden.

Penintsula osoko jazzari eskainitako gune berezienetako batera ere hurbil zaitezke, Cifujazz espaziora. Eta Eltziego barruagotik ezagutzeko bi aukera: alde batetik turismo bulegoak antolatzen duen Eltziegoko bisita gidatua proposatzen dizugu, eta bestetik, bertako upategi bisitagarrietako batera joatea eta ardoaren munduan murgiltzea.

Natura eta paisaia maite dutenentzat, berriz, ideiarik onena, San Bizente eta San Roke paisaia-begiratokiak igaroz, "Mahasti Artean – Entre Viñas" paseoa da.

Elciegoren planoa